وفاقی وزیر منصوبہ بندی اسد عمر کی زیر صدارت کابینہ کی توانائی کمیٹی کا اجلاس آج طلب کرلیا گیا ہے۔ کمیٹی نجی کمپنی کے ایل این جی ٹرمینل کی بندش سے متعلق فیصلہ کرے گی۔
ذرائع کے مطابق ٹرمینل بندش سے پاور پلانٹس کو گیس تعطل کے باعث بجلی کی لوڈشیڈنگ بڑھنے کا خدشہ ہے۔
ذرائع کا کہنا ہے کہ اجلاس میں کمیٹی کو نارتھ ساؤتھ گیس پائپ لائن منصوبے کی پیش رفت پر بھی بریفنگ دی جائے گی۔ اجلاس میں ایل پی جی کی قیمت میں کمی کے لیے رپورٹ بھی پیش کی جائے گی۔