بغیر سرٹیفیکیٹ جھولے لگے تو ڈی سی کو گرفتار کرنا چاہیے: فواد چوہدری

July 24, 2021

وفاقی وزیر اطلاعات فوادچوہدری نے اوکاڑہ میں جھولا گِرنے کے واقعے کی مذمت کرتے ہوئے کہا کہ بغیر سرٹیفیکیٹ جھولے لگانے کی اجازت دینے والے ڈی سی کو گرفتار کرنا چاہیے۔

انہوں نے سوشل میڈیا سائٹ ٹوئٹر پر جاری بیان میں کہا کہ اوکاڑہ میں جھولا گرنے سے دو بچیاں موت کےمنہ میں چلی گئیں۔

فواد چوہدری نے کہا کہ پاکستان اسٹینڈرڈز اینڈ کوالٹی کنٹرول اتھارٹی نے جھولوں کی کوالٹی سرٹیفیکیشن لازمی قراردی تھی۔

انہوں نے کہا کہ اوکاڑہ انتظامیہ نے بغیر کوالٹی سرٹیفیکیٹ جھولے لگانے کی اجازت دی تو ڈی سی کو گرفتار کرنا چاہیے، اگر سرٹیفیکیٹ تھا تو اتھارٹی کے ذمہ داروں کو پکڑیں۔