کوٹلی: سیاسی کارکنوں میں تصادم، ہلاکتیں2 ہو گئیں

July 25, 2021


آزاد کشمیر کے ضلع کوٹلی کے حلقے ایل اے 12چڑھوئی میں 2 سیاسی جماعتوں کے کارکنوں کے درمیان ہونے والے تصادم اور جھگڑے کے دوران ہونے والی فائرنگ سے زخمی ہونے والا 1 اور شخص بھی چل بسا، جس کے بعد واقعے میں ہلاکتوں کی تعداد 2 ہو گئی۔

کوٹلی پولیس کا کہنا ہے کہ فائرنگ کے اس واقعے میں 2 افراد زخمی بھی ہوئے ہیں جو اسپتال میں زیرِ علاج ہیں۔

کوٹلی کے ایس ایس پی راجہ محمد اکمل خان نے اس سے قبل جاں بحق ہونے والے نوجوان کا نام ظہیر بتایا تھا۔

پولیس کے مطابق سیاسی جماعتوں کے کارکنان میں جھگڑے کے بعد علاقے میں کشیدگی پائی جاتی ہے۔

ادھر مظفر آباد کے حلقہ ایل اے 27 کے پولنگ اسٹیشن کوپرا گلی میں بھی 2 گروپوں میں جھگڑا ہوا تھا جس کے بعد وہاں پولنگ کا عمل رک گیا تھا۔