پارلیمانی سیکریٹری صحت ڈاکٹر نوشین حامد کا کہنا ہے کہ ڈھائی کروڑ سے زیادہ لوگوں کی ویکسی نیشن ہوچکی ہے، دو کروڑ لوگوں کی مکمل ویکسی نیشن ہوچکی ہے۔
ڈاکٹر نوشین حامد نے پروگرام جیو پاکستان میں گفتگو کرتے ہوئے کہا کہ ڈھائی کروڑ سے زیادہ لوگوں کی ویکسی نیشن ہوچکی ہے۔
انہوں نے کہا کہ 6 لاکھ لوگوں کی روزانہ ویکسی نیشن تک پہنچ چکے ہیں، اگست کے مہینے میں ویکسی نیشن کو مزید تیز کریں گے۔
ڈاکٹر نوشین حامد نے کہا کہ کورونا ویکسین خریدنے کیلئے معاہدے کیے ہوئے ہیں، ویکسین کی کمی نہیں ہوگی۔
انہوں نے یہ بھی کہا کہ تمام اداروں کےمالکان کو پابند کیا ہے کہ ملازمین کی ویکسی نیشن کرائیں۔