بھارتی ریاست تلنگانہ میں بزرگ شہری نے ٹانگوں سے لپٹتے خطرناک سانپ کو ہاتھوں سے پکڑ کر دیکھنے والوں کو حیران کر دیا جس کی ویڈیوسوشل میڈیا پروائرل ہوگئی۔
وائرل ویڈیومیں دیکھا جاسکتا ہے کہ ایک بزرگ شہری کی ٹانگوں پر طویل القامت انتہائی خوفناک سانپ لپٹا ہوا ہے۔
دراصل ایک عمر رسیدہ شخص سڑک کنارے چلتا ہوا اپنی منزل کی جانب جارہا تھا کہ اچانک خوفناک سانپ نے بزرگ شہری پر حملہ کردیا اور ان کی ٹانگوں سے لپٹ گیا۔
شہری نے ہمت کا مظاہرہ کرتے ہوئے سانپ کا منہ اپنے ہاتھوں میں دبا لیا لیکن تب تک سانپ ان کی ٹانگوں کو بری طرح اپنی لپیٹ میں لے چکا تھا۔