زویا فاطمہ
کہتے ہیں خوبصورتی کسی تعریف کی محتاج نہیں ہوتی۔ یہ بات درست ہے، مگر یہ بھی درست ہے کہ ادھر عمر ڈھلی پچاس کے لپیٹے میں آئیں ،ادھر خوبصورتی رخصت ہوئی اور جوانی بھی لیکن پریشان نہ ہوں ۔اس ہفتے ہم آپ کو پچا س سال کی عمر میں بیس سال کا نظرآنے کےلیے ایک آزمودہ نسخہ بتارہے ہیں ۔آزما کر دیکھیں اس کے استعمال سے لٹکتی جلد ٹائیٹ اور جھریاں ختم ہوجائیں گی۔اب آپ کو اس کےبنانے کا طریقہ بتاتے ہیں۔
اشیاء:ایلو ویرا کا گودا ،آدھی پیالی ،انڈے کی سفیدی چائے کا ایک چمچہ، ہلدی ایک چٹکی ،ناریل کا تیل، چند قطرے ،سفید تل آدھی پیالی ۔
طریقہ استعمال:ایلوویرا کی جو شاخیں ہیں ۔ان کو چھیل کر اس کا گودا نکال لیں۔ یاد رکھیں ،ایلوویرا کا خالص گودا لینا ہے۔ کسی کمپنی کا جیل نہ لیں۔ آدھے پیالی کے قریب فریش ایلوویرا جیل لینا ہے، پھر ا س کو بلینڈر میں ڈال دیں، پھر اس میں آدھی پیالی سفید تل ڈال دیں، پہلے تل کو ہلکا سا کوٹ لیں، پھر اس میں ڈال دیں۔ ایلوویر ا کے فریش گودے اور سفید تلوں کو گرینڈ کرلیں۔ یہ ایک مکسچر بن جائےگا۔
ایک صاف پیالی میں یہ مکسچر نکال لیں۔ اب اس پیسٹ میں باقی اجزاء شامل کریں۔ یعنی ایک چٹکی ہلدی ، ناریل کا تیل ڈال دیں۔ اب انڈے کی سفیدی شامل کرکے چمچے کی مدد سے ان تمام اجزاء کو خوب مکس کرلیں۔ اس نسخہ میں شامل تمام اجزاء اینٹی ایجنگ اجزاء ہیں۔ چہرے پر تقریباً دس سے پندرہ منٹ لگائیں، خشک ہونے کے بعد پانی سے چہرہ دھولیں۔ یادرکھیں، عموماً چالیس سال کی عمر کے بعد چہرے پر لائنز پڑ جاتی ہیں۔ جلد لٹک جاتی ہے۔ یہ نسخہ انہیں ختم کردے گا۔ ہفتے میں دوتین بار لگائیں ،نتیجہ آپ کے سامنے ہوگا۔