یورپی یونین نے بیلاروس میں جمہوریت اور انسانی حقوق کے لیے کام کرنے والے کارکنوں کو سزائیں دینے کی شدید الفاظ میں مذمت کرتے ہوئے کہا ہے کہ یورپی یونین بیلا روسی حکام کے وحشیانہ جبر کے لیے جوابدہی کو فروغ دینے کی کوشش جاری رکھے گا۔
یورپی یونین کی جانب سے اس کے ترجمان نے یہ بیان بیلاروس میں سیاسی قیدیوں ماریا کالیسنیکاوا، تسخانو سکایا، مس سیپکالو اور ایک معروف وکیل ماکسم زناک کو حکومت کی جانب سے مختلف الزامات پر سزا سنائے جانے پر دیا۔
یورپی یونین کے مطابق ان افراد کو 'غیر آئینی طریقے سے ریاستی اقتدار پر قبضہ کرنے کی سازش' کے ذریعے بیلاروس کی سلامتی کو نقصان پہنچانے کے لیے اقدامات کرنے کے بے بنیاد الزامات کے تحت سزا سنائی گئی ہے۔
ان پر مزید الزام ہے کہ اس مقصد کو حاصل کرنے کے لیے ان افراد نے میڈیا اور انٹرنیٹ کو ایک انتہا پسند گروپ بنا کر استعمال کیا۔
ترجمان نے مزید کہا کہ یونین بیلاروس کی حکومت کی جانب سے وہاں کے عوام کے انسانی حقوق اور بنیادی آزادیوں کی مسلسل بے عزتی کرنے کی مذمت کرتی ہے اور تمام سیاسی قیدیوں کی فوری اور غیر مشروط رہائی کا مطالبہ کرتی ہے۔