ملک کے دوسرے بڑے شہر لاہور میں پولیس کی جانب سے گداگروں کے خلاف آپریشن جاری ہے۔
لاہور پولیس کے مطابق گزشتہ 5 روز کے دوران شہر بھر سے 1 ہزار 299 گداگروں کو گرفتار کیا گیا ہے جبکہ 1 ہزار 152 مقدمات درج کیئے گئے ہیں۔
سی سی پی او لاہور نے اس حوالے سے بتایا ہے کہ نشے کے عادی بھکاریوں کو بیگرز ہوم بھجوایا جا رہا ہے۔
لاہور کے سی سی پی او کا یہ بھی کہنا ہے کہ معذوروں کا روپ دھار کر بھیک مانگنے والے کسی بھی رعایت کے مستحق نہیں ہیں۔