افغانستان میں پاکستان کے سفیر منصور احمد خان نے کہا کہ بھارت کا گزشتہ 20 سال میں افغانستان میں کردار نہایت منفی رہا ہے، جھوٹ میں بھارتی میڈیا کا کوئی ثانی نہیں ہے۔
جیو نیوز سے گفتگو کرتے ہوئے پاکستانی سفیر منصور احمد نے کہا کہ بھارت نے پاکستان اور افغانستان کے تعلقات کو نقصان پہنچانےکی کوشش کی۔
منصور احمد نے کہا کہ بھارت نے افغانستان میں دہشت گردی کرنے والے گروپوں کو سپورٹ کیا۔
پاکستانی سفیر نے کہا کہ بھارت کے بےبنیاد الزامات اب عالمی برادری کے سامنے آشکار ہوچکے ہیں۔