لاہور(نمائندہ جنگ )لاہور ہائیکورٹ کے مسٹر جسٹس طارق سلیم شیخ نے کالعدم تحریک لبیک کے امیر حافظ سعد رضوی کی دوسری نظربندی کیخلاف کیس میں ان کےوکلاءنےدلائل مکمل کرلئے ، عدالت نے پنجاب حکومت کے وکیل کو آج دلائل مکمل کرنے کا حکم دیدیا۔عدالت نے ایڈووکیٹ جنرل کو تحریری جواب اورنظر بندی کے حوالے سے تمام ریکار ڈ جمع کروانے کا حکم دیا،عدالت نے نظر بندی کے اختیار کو استعمال کرنے کی آئینی حیثیت پر اٹارنی جنرل سے معاونت بھی طلب کرلی ۔