چلاس شہر اور گردونواح میں گزشتہ رات سے بارش کا سلسلہ جاری ہے، برف باری کے باعث بابوسر ناران نیشنل ہائی وے کو عارضی طور پر بند کردیا گیا ہے۔
نیشنل ہائی وے بند ہونے سے بابوسر اور ناران کے درمیان زمینی رابطہ منقطع ہوگیا ہے جس سے مقامی لوگوں کو پریشانی کا سامنا ہے۔
اسکردو شہر اور گردونواح میں بھی بارش کا سلسلہ جاری ہے، تیز بارش کے باعث دیوسائی میدان کو سیاحوں کی آمدورفت کے لیے بند کردیا گیا ہے۔