وزیر اعظم اور آرمی چیف کا این سی او سی کا دورہ

October 18, 2021


وزیر اعظم عمران خان اور آرمی چیف جنرل قمر جاوید باجوہ نے این سی او سی کا دورہ کیا۔

کورونا وائرس کے پھیلاؤ کو روکنےکے لیے کیے گئے اقدامات پر وزیر اعظم اور آرمی چیف کو بریفنگ دی گئی۔

وزیراعظم نے وبا کو کنٹرول کرنے میں این سی او سی اور وفاق کی اکائیوں کی کوششوں کو سراہا۔

ڈی جی این سی او سی میجر جنرل آصف محمود نے کورونا وائرس کی تازہ صورت حال، وبا کی روک تھام اور ویکسینیشن سے متعلق اقدامات سے آگاہ کیا۔

وزیراعظم نے عوام کے تحفظ کے لیے این سی او سی اور فیڈریشن کی باقی اکائیوں کی مربوط کوششوں کی تعریف کی۔

عمران خان نے ویکسینیشن کو تیز کرنے اور حفاظتی تدابیر پر عملدرآمد یقینی بنانے کی ہدایت کی۔

اس موقع پر وزیراعظم نے این سی او سی کے ریٹائر ہونے والے کوآرڈینیٹر لیفٹیننٹ جنرل حمود الزمان کو ان کی خدمات کے اعزاز میں یادگاری شیلڈ سے بھی نوازا۔