قومی دن پر چین میں شاندار تقریبات

چین کے69 ویں قومی دن کے موقع پر ملک بھر میں شاندار تقریبات کا انعقاد کیا گیا۔

مختلف شہروںمیں قومی پرچم لہرائے گئےاورکئی عمارتوں کو چینی پرچم کے رنگوں سے روشن بھی کیا گیا۔

چینی میڈیا کے مطابق چین کے قومی دن کے موقع پر تقریبات کا آغاز بیجنگ میں ہوا جہاں تیان من اسکوائر پرچین کا قومی پرچم لہرایا گیا ۔

پرچم کو گارڈ آف آنر پیش کیا اور قومی ترانا بھی پڑھا گیا۔

بیجنگ کے علاوہ ہانگ کانگ اور مکاؤ میں بھی قومی دن کی مناسبت سے مختلف تقریبات منعقد کی گئیں۔

میڈیا رپورٹس کا کہنا ہے کہ چین کے قومی دن کی خوشی میں مختلف سڑکوں کو دلکش پھولوں سے سجایا گیااور کئی شہروں میں عمارتوں کو قومی پرچم کے رنگوں سے بھی روشن کیا گیا۔