دفاعی نمائش آئیڈیاز اختتام پذیر

کراچی میں دفاعی نمائش آئیڈیاز 2018ء اختتام پذیر ہوگئی ۔

دفاعی مصنوعات کی بین الاقوامی نمائش آئیڈیاز 2018 کے آخری دن تینوں مسلح افواج کے کمانڈوز نے دہشت گردی کے خلاف فوجی مہارت کا عملی مظاہرہ پیش کیا۔

پاکستانی ادارے این آر ٹی سی کا سری لنکا کے ساتھ سکیورٹی اینڈ سرویلنس کا معاہدہ طے پا گیا۔

آئیڈیاز میں شریک پاکستانی کمپنی این آر ٹی سی کے ایم ڈی بریگیڈیئر توفیق نے اعلان کیا کہ ان کا ادارہ سری لنکا میں سیکورٹی آلات کی تنصیب کا ایک بڑا ٹھیکا حاصل کرنے میں کامیاب ہوگیا ہے جس کے تحت سری لنکن آرمی کے ہیڈکوارٹر سمیت دیگر اہم تنصیبات کی سیکیورٹی کو بہتر بنایا جائے گا۔

آئیڈیاز کی اختتامی تقریب میں نمایاں اسٹالز کی حامل ملکی اور غیرملکی کمپنیوں کو ایواڈز بھی دیئے گئے ۔

منتظمین کے مطابق دفاعی نمائش میں 51 ممالک کی پانچ سو سے زائد کمپنیوں نے شرکت کی جبکہ 262غیر ملکی مندوبین بھی شریک ہوئے، منتظمین کا کہنا ہے تین روزہ نمائش کو 72 ہزار سے زائد افراد نے دیکھا