مزار قائد پر تبدیلی گارڈز کی پروقار تقریب

 بانیٔ پاکستان قائد اعظم محمد علی جناح کا 143 واں یوم پیدائش نہایت عقیدت و احترام کے ساتھ منایا جارہا ے۔

کراچی میں قائد اعظم محمد علی جناح کے مزار پر بانی پاکستان کے یوم پیدائش پر گارڈز کی تبدیلی کی پروقار تقریب منعقد ہوئی۔

پی ایم اے کے کیڈٹس کے چاق چوبند دستے نے مزار قائد پر گارڈز کے فرائض سنبھالیے، گارڈ کے دستے میں خواتین کیڈٹس بھی شامل ہیں۔

ان سے پہلے پاک فضائیہ کے دستے مزار قائد پر گارڈز کے فرائض انجام دے رہے تھے۔

آج گورنر سندھ عمران اسماعیل، وزیر اعلیٰ سندھ مراد علی شاہ، میئر کراچی وسیم اختر اور شہریوں کی بڑی تعداد مزار قائد پر حاضری دے گی، فاتحہ خوانی کرے گی اور پھول چڑھائے گی۔