چین میں آئس اینڈ اسنو فیسٹیول کا آغاز

 چین میں سالانہ بین الاقوامی آئس اینڈ اسنو فیسٹیول کا آغاز ہوگیا ہے جہاں روشنیوں سے جگمگاتے برفیلے ماڈلز سب کی توجہ اپنے جانب مبذول کروارہے ہیں جس کا باقاعدہ آغاز آج سے ہو رہا ہے۔

30ہزار اسکوائر میٹر پر پھیلے آئس پارک میں سجایا گیا یہ ونٹرلینڈ رنگ برنگی روشنیوں سے مزین 39برف کے مجسموں پر مشتمل ہے جہاں برف سے بنائی گئی سلائیڈسمیت دیوہیکل ماڈلز،برفیلے گھوڑے، ڈریگن اور بندر دیکھنے والوں کی توجہ کا مرکز بنے ہوئے ہیں۔

آئس فیسٹیول سجانے کیلئے دنیا بھر سے ماہر آرٹسٹوں نے کم وبیش ایک ماہ تک کڑی محنت کرتے ہوئے یہ تمام ماڈلزتخلیق کیے ہیں۔

آئندہ کئی روز تک جاری رہنے والے اس آئس فیسٹیول میں رنگین لائٹس سے مزین برفیلے مجسموں کے علاوہ پارک کا داخلی راستہ اور راہدیاں بھی برف کی مدد سے تیار کی گئی ہیں جبکہ آئس رِنگ اور اِسکی ریسورٹ بھی لوگوں کی توجہ کا مرکز بنا ہواہے ۔