مالدیپ میں انوکھا ’سولر آئی لینڈ ریسورٹ ‘

مالدیپ میں عوام کے لیے سولر آئی لینڈ ریسورٹ کھول دیا گیاہے جہاں موجود ہر شے ماحول دوست ہے ۔

نیویارک کی ایک فرم نے تیار کردہ 'کیوڈاڈو مالدیپ پرائیوٹ آئی لینڈنامی یہ خوبصورت ریسورٹ ہر لحاظ سے دیگر ریسورٹس سے مختلف ہے جس کاانٹیریئر اور ڈیزائن قابل دید ہے ۔

اس ریسورٹ کو سیر و سیاحت کے لئے ایک بہترین مقام تسلیم کیا جا رہا ہے جس کی چھت پر لگے سولر پینلز کو خاص جیومیٹریائی شکل دی گئی ہے تاکہ وہ دن بھر اچھی طرح دھوپ جمع کرسکیں اور ان کے درمیان درزوں سے قدرتی روشنی بھی اندر داخل ہوتی رہتی ہے تاکہ مصنوعی روشنی پر کم سے کم انحصار کیا جاسکے۔

جزیرے پر 320 کلوواٹ بجلی بنانے والا شمسی نظام موجود ہے جو تین ہیکٹر( قریباً ساڑھے 7 ایکڑ) رقبے پر محیط ریزورٹ کو توانائی فراہم کرتا ہے اور کسی بیرونی ذریعے مثلاً ڈیزل جنریٹر کی ضرورت نہیں رہتی۔

کمروں اور گھروں میں استعمال ہونے والا فرنیچر کینیڈا، نیوزی لینڈ اورانڈونیشیا سے منگوایا گیا ہے جبکہ ارد گرد نیلا سمندر اس منطر کو چار چاند لگا دیتا ہے ۔