امیر قطر کا پاکستان آمد پرشاندار استقبال

امیر قطر شیخ تمیم بن حمد الثانی کی پاکستان آمد پر وزیراعظم عمران خان نے ان کا استقبال کیا۔

شیخ تمیم بن حمد الثانی کو وزیر اعظم ہاؤس میں گارڈ آف آنر بھی پیش کیا گیا۔

ایوان صدر میں امیر قطر کے اعزاز میں پروقار تقریب ہوئی، صدر مملکت ڈاکٹر عارف علوی نے شیخ تمیم بن حمد الثانی کو پاکستان کے اعلیٰ ترین سول ایوارڈ نشان پاکستان سے نوازا۔

ایوان صدر پہنچنے پر صدر مملکت نے امیر قطر کا خیر مقدم کیا،ڈاکٹر عارف علوی سے تمیم بن حمد الثانی کی وفود کی سطح پر ملاقات بھی ہوئی۔

اس موقع پر گورنر پنجاب چوہدری محمد سرور، زلفی بخاری،وفاقی وزرا اور دیگر سول و عسکری شخصیات بھی ایوان صدر میں موجود تھیں۔

امیر قطر نے نور خان ایئر بیس پر جے ایف سیونٹین تھنڈر اور مشاق طیاروں کا معائنہ بھی کیا،اس موقع پر انہیں طیارے کی خصوصیات سے متعلق بریفننگ بھی دی گئی۔

دورہ پاکستان مکمل کرنے کے بعد امیر قطر شیخ تمیم بن حمد الثانی وطن واپس روانہ ہوگئے۔