پاکستان ہاکی فیڈریشن نے یوٹرن لینے کی روایت کو برقرار رکھتے ہو ئے تحریک عدم اعتماد سے پنجاب ہاکی ایسوسی ایشن کے ہٹائے جانے والے صدر پرویز بھنڈارا کو پی ایچ کے صدر کا مشیر مقرر کر دیا ۔
پاکستان ہاکی فیڈریشن نے دس مئی کو ایک اعلامیہ جاری کیا جس میں بتایا کہ پنجاب ہاکی ایسوسی ایشن کے عہدیداروں کے غیر فعال ہونے کی وجہ سے تحریک عدم اعتماد لائی گئی اور تمام عہدیداروں کی جگہ نئے عہدیداروں کا انتخاب کر لیا گیا ہے۔
پی ایچ اے کی صدر پرویز بھنڈارا کی جگہ ضرار کلیم کو منتخب کیا گیا، آج پی ایچ ایف نے اعلامیہ جاری کیا کہ پرویز بھنڈارا نے بیرون ملک جانے سے قبل اپنی مصروفیات کے باعث استعفیٰ دے دیاتھا لیکن ان کے وسیع تر تجربے کی بنیاد پر اب انہیں پی ایچ ایف کے صدر خالد کھوکھر کا ایڈوائزر مقرر کر دیا گیا ہے ۔