انسانی حقوق کے لئے کام کرنے والی بین الاقوامی تنظیم ایمنسٹی انٹرنیشنل نے کہا ہے کہ چین دنیا بھر میں مہاجرین کا خیرمقدم کرنے والا بہترین ملک ہے ۔
ایمنسٹی انٹرنیشنل کی جانب سے جمعرات کو جاری کردہ رپورٹ میں کہا گیا ہے کہ چین ،جرمنی اور برطانیہ مہاجرین کو خوش آمدید کہنے والے بہترین ممالک کی فہرست میں شامل ہیں۔
ایمنسٹی انٹرنیشنل نے 27ممالک کے 27ہزار شہریوں سے سوال پوچھا کہ مہاجرین کو خوش آمدید کہنے والے ممالک میں سب سے بہترین ملک کون سا ہے جس میں 46فیصد لوگوں نے چین کو مہاجرین کا خیر مقدم کرنے والا بہترین ملک قراردیا ۔
جبکہ دوسرے نمبرپر جرمنی اور تیسرے نمبر پر لوگوں نے مہاجرین کا خیر مقدم کرنے کے لئے برطانیہ کو سراہا ۔مہاجرین کا خیر مقدم نہ کرنے والے ممالک میں لوگوں نے روس اور انڈونیشیا کے لئے سب سے زیادہ منفی جذبات کا اظہار کیا۔