کینیڈین وزیر اعظم کی پہلے روزے کی افطار میں شرکت

کینیڈا کے ہر دل عزیز وزیرِاعظم جسٹن ٹروڈو نے مسلمانوں کے ساتھ پہلا روزہ افطار کیا ۔عاجزی،انکساری، نرم مزاجی، کینیڈین وزیراعظم جسٹن ٹروڈو عوام میں گھلنے ملنے کا فن خوب جانتے ہیں۔

انہوں نے کینیڈین مسلمانوں کے ساتھ پہلا روزہ افطارکیا ،اس موقع پر وہ نہایت خوشگوار موڈ میں نظر آئے۔ اس سےپہلے رمضان المبارک کی آمد پر کینیڈین وزیراعظم نے ویڈیو پیغام کے ذریعے مسلمانوں سمیت مسلمِ اُمہ کو ماہِ مبارک کی مبارک باد دی تھی۔

جسٹن ٹروڈو نے مسلمانوں کو سلام کیا اور کہا کہ یہ مہینہ رحمت اور ایک دوسرے کی مدد کا مہینہ ہے،کینیڈین وزیراعظم نے اس سے پہلے کینیڈا کی ایک مسجد کا دورہ بھی کیا تھا، سادہ قمیص شلوار پہنے ٹروڈو نے مسلمانوں کے ساتھ مل کر بریانی بھی کھائی تھی۔