مودی کی امریکی کانگرس میں تقریر پاکستان مخالف تھی، سرتاج عزیز

وزیر اعظم نواز شریف کے مشیر برائے خارجہ امور سرتاج عزیز نے کہا ہے کہ خطے میں ہمیں زیادہ بندر گاہوں کی ضرورت ہے، ہمیں گوادرکے ساتھ چاہ بہار بندر گاہ کی بھی ضرورت ہے۔

سینیٹ اجلاس میں خطاب کرتے ہوئے سرتاج عزیز کا کہنا تھا کہ نریندر مودی کی امریکی کانگرس میں تقریر پاکستان مخالف تھی، ہم نے مودی کی اس تقریر کا موثر طریقے سے مقابلہ کیا۔ہم نے پاکستان میں بھارتی خفیہ ایجنسی را کے حوالے سے ڈوزئیرتیار کیے ہیں۔

انہوں نے مزید کہا کہ گزشتہ عرصے میں گوادر میں تیزی سے ترقی ہوئی ہے، خطے میں ہمیں زیادہ بندر گاہوں کی ضرورت ہے، ہمیں گوادرکے ساتھ چاہ بہار بندر گاہ کی بھی ضرورت ہے،دونوں سسٹر بندرگاہیں ہیں،اگر چین اپنی تجارت کا دس فیصد بھی یہاں سے گزار دے تو ہمیں بہت فائدہ ہو گا۔