سوات کے علاقے مدین میں گورنمنٹ گرلز ہائی اسکول کے چوکیدار سے اتفاقی گولی چل جانےسے پانچ طالبات زخمی ہوگئی ہیں ۔
پولیس کے مطابق علاقہ مدین میں گورنمنٹ ہائی اسکول برائے طالبات میں صبح کی اسمبلی جاری تھی کہ اس دوران چوکیدار سے اچانک رائفل چل گئی جس کے نتیجے میں ایک ہی لائن میں کھڑی پانچ طالبات زخمی ہوگئیں ۔
زخمیوں کو سول اسپتال مدین منتقل کردیاگیا ہے جہاں ان کی حالت خطرے سے باہر بتائی جارہی ہے ۔پولیس نے چوکیدار کو حراست میں لےلیا اور تفتیش شروع کردی ہے ۔