سابق ٹیسٹ کرکٹرز مدثر نذر اور عاقب جاوید کا کہنا ہے کہ پاکستان سپر لیگ کے دوسرے ایڈیشن میں لاہور قلندرز ایک نئے روپ میں دکھائی دے گی۔
مدثر نذر آئیکون جبکہ عاقب جاوید ڈائریکٹر کی حیثیت سےلاہور قلندرز کے ساتھ منسلک ہو ئے ہیں۔ لاہور قلندرز کے سی ای او رانا عاطف نے دونوں کرکٹرز کو گلدستے پیش کئے،خوش آمدید کہا۔
اس موقع پر رانا عاطف کا کہنا ہے کہ مدثر نذر کی اولین ترجیح پاکستان کرکٹ بورڈ کی ذمہ داریاں ہیں،سابق ٹیسٹ کرکٹر مدثر نذر کا کہنا ہے کہ لاہور قلندرز کے ساتھ بھی کام کرنا اعزاز ہے، ڈائریکٹر کرکٹ لاہور قلندر عاقب جاوید کا کہنا ہے کہ اس وقت فوکس صرف ٹیم کو پہلے نمبر پر پہنچانا ہے۔