پی ٹی آئی وزیراعظم کے خلاف ریفرنس دائرکرےگی

تحریک انصاف نے وزیراعظم کے خلاف الیکشن کمیشن میں ریفرنس دائرکرنے کا فیصلہ کر لیا ہے۔

ترجمان پی ٹی آئی نعیم الحق کے مطابق ریفرنس پانامہ لیکس پر آرٹیکل 62 اور 63 کے تحت دائر کیا جارہا ہے۔ یاسمین راشد نوازشریف کی مخالف امیداوارکےطورپرریفرنس دائر کریں گی۔

نعیم الحق کا کہنا تھا کہ قانونی محاذ ابھی کھول رہے ہیں، سڑکوں پر عید کے بعد آئیں گے اور جلسوں کے ذریعے رابطہ عوام مہم کا آغاز ہوگا۔ رائیونڈ دھرنا آخری آپشن ہوگا،پہلے دیگر راستے آزمائیں گے۔

ترجمان پی ٹی آئی کا یہ بھی کہنا تھا کہ اے این پی نے سڑکوں پر آنے سے انکار کیا ہے تو ہمیں بھی جلدی نہیں سب کو ساتھ لے کر چلیں گے۔