لاہورمیں کینال روڈ پر واقع معروف کنٹری کلب کو ریلوے حکام نے عملے اور ممبران کو باہر نکال کر سیل کردیا ۔ریلوے حکام کا کہنا ہے کہ کلب ریلوے کی زمین پر قائم ہے،متعدد نوٹسزکےباوجوداطمینان بخش جواب نہیں دیا گیا۔
لاہورمیں کینال روڈ پر معروف کلب کو ریلوے حکام نے صبح سات بجے بھاری پولیس کے ہمراہ سیل کردیا۔ ریلوے پولیس نے تمام ملازمین اور عملےکو باہر نکال دیا۔ کلب کے ملازمین ریلوے کے ایکشن کے خلاف کینال روڈ پر آگئے ۔
حکومتی مشینری کے خلاف شدید احتجاج کرتے ہوئے کلب کو فوری طور پر کھولنے کا مطالبہ کیا گیا۔کینال روڈ پر احتجاج کے باعث نہر پر گاڑیوں کی لمبی قطاریں لگ گئیں جس سے مسافروں کو بھی مشکلات کا سامنا کرنا پڑا۔
ریلوے کے ادارے ریڈیمکو کے ایم ڈی زبیر شفیع غوری کا کہنا تھاکہ عدالتی حکم کی کسی قسم کی خلاف ورزی نہیں کی جارہی ۔کلب انتظامیہ کی طرف سے معاہدے کی خلاف ورزیاں کی گئیں ،کلب کے اندرتجاوزات کی گئیں اورملحقہ اراضی پر قبضہ کیا گیا ،عدالت نے کوئی اسٹے آرڈر جاری نہیں کیا۔
فرمان الہی
نماز کے اوقات
