کراچی میں انسداددہشت گردی عدالت نے دہشت گردوں کے علاج کے مقدمہ کی سماعت میں شریک ملزم نامزد میئر کراچی وسیم اختر کو20روز کیلئے بیرون ملک جانے کی اجازت دے دی۔
انسداددہشت گردی عدالت میں دہشت گردوں کے علاج کا مقدمہ کی سماعت ہوئی ، متحدہ رہنما وسیم اخترنے عدالت سے درخواست کی کہ وہ ضروری کام سے بیرون ملک جانا چاہتے ہیں،اس کےباعث حاضری سے استثنیٰ کی درخواست منظور کی جائے۔
عدالت نے درخواست منظور کرتے ہوئےنامزد مئیروسیم اختر کو20روز کیلئے بیرون ملک جانے کی اجازت دیتے ہوئے سماعت ملتوی کردی،آئندہ سماعت پروسیم اختر کی ضمانت کی توثیق کی درخواست پربھی فیصلہ سنایاجائیگا۔