بارش کے بعد کراچی میں شدید ٹریفک جام

کراچی میں آج موسلا دھار بارش کے بعد کراچی کے مختلف روڈوں پر شدید ٹریفک جام ہوگیا، لوگوں گھنٹوں سے ٹریفک میں پھنسے رہے...

بارش کے بعد آئی آئی چندریگر روڈ، شارع فیصل، بلوچ کالونی اور نرسری میں ٹریفک جام ہوگیا جس کے بعد گاڑیوں کی لمبی قطاریں لگ گئیں، شہری بارش سے خوش تو ہوئے لیکن بجلی غائب ہونے اور شدید ٹریفک جام ہونے سے پریشان بھی ہیں۔

محکمہ موسمیات کے مطابق شارع فیصل میں 30 ملی میٹربارش ریکارڈ کی گئی جب کہ گلستان جوہر میں 14 اعشاریہ 2 ملی میٹر اور ایئر پورٹ پر 20 اعشاریہ 4 ملی میٹر بارش ریکارڈ ہوئی۔

محکمہ موسمیات کے مطابق لانڈھی میں 28 اورصدر میں 15 ملی میٹر بارش ریکارڈ کی گئی جب کہ کراچی میں آج وقفے وقفے سے بارش جاری رہے گی۔