پاکستان بھارت سے مذاکرات کیلئے تیار ہے، سرتاج عزیز

مشیر خارجہ سرتاج عزیز نے کہا ہے کہ پاکستان بھارت کےساتھ مذاکرات کو تیار ہے، مذاکرات کشمیر، سیاچن، سرکریک سمیت ہر معاملے پر ہوں گے۔

مشیر خارجہ سرتاج عزیز نے ایک انٹرویو میں کہا ہے کہ بھارتی وزیراعظم کا یہ بیان غلط ہے کہ پاکستان مذاکرات کرنا نہیں چاہتا، حقیقت تو یہ ہے کہ بھارت مسئلہ کشمیر کی وجہ سے بات چیت سے گریز کر رہا ہے۔

انہوں نے مزید کہا کہ پاکستان بھارت سے تجارت، ویزے اور دیگر معاملات پر بھی مذاکرات چاہتا ہے۔