سولر امپلس کا تاریخی سفر،طیارہ قاہرہ سے ابوظہبی کیلئے روانہ

دنیا کے گرد چکر لگانے میں مصروف شمسی توانائی سے چلنے والا طیارہ سولر امپلس ٹو اپنے تاریخی سفر کے آخری مرحلے میں قاہرہ سے ابوظہبی روانہ ہو گیا، 48 گھنٹے میں اپنی منزل پر پہنچے گا ۔

سولرامپلس ٹو نے 9 مارچ 2015 ءکو ابوظہبی سے دنیا کے گرد سفرکا آغاز سے کیا تھا اور 5 سے 6 ماہ کے عرصے کے دوران اسے واپس پہنچنا تھا، لیکن راستے میں ناسازگار موسم اور فنی خرابیوں کے باعث طیارہ تاخیر کا شکار ہوا۔

مسقط اور اومان کے بعد طیارہ ایشیائی ممالک اور امریکا پہنچا، رواں سال اپریل میں موسم سرما کا وقفہ کرنے کے بعد طیارے نے جزیرے ہوائی سے اپنے سفر کا دوبارہ آغاز کیا ۔

طیارہ اب قاہرہ سے ریکارڈ ساز سفر کے آخری مرحلے میں واپس ابوظہبی پہنچے گا، طیارہ یہ سفر2 دن اور ڈھائی راتوں میں مکمل کرے گا ۔