پیپلز پارٹی نے وزیر اعلی سندھ سید قائم علی شاہ کی تبدیلی کا فیصلہ کرلیا ہے ، ان کا شمار پیپلز پارٹی کے بانی ذوالفقار علی بھٹو کے قریبی ساتھیوں میں ہوتا ہے ۔
وزیر اعلی سندھ سید قائم علی شاہ پیپلز پارٹی سندھ کے سربراہ بھی ہیں ، خیرپور سے 6 بار رکن سندھ اسمبلی منتخب ہوئے ،وہ ذوالفقار علی بھٹو کے انتہائی قریبی ساتھیوں میں شمار ہوتے ہیں۔
قائم علی شاہ نے بی اے کراچی یونیورسٹی سے کیا، ایس ایم لاً کالج سے قانون کی ڈگری حاصل کی،خیرپور ضلعی کونسل کے چیئرمین منتخب ہونے کے بعد 1967ء میں انھوں نے ذوالفقار علی بھٹو کی جماعت پیپلز پارٹی میں شمولیت اختیار کر لی۔
1970ء کے انتخابات میں انھوں نے خیرپور میں غوث علی شاہ کو شکست دی، اسی طرح 1990ء،2002ء2008ء اور2013 کے انتخابات میں بھی وہ فاتح رہے۔انھیں تیسری بار وزیراعلیٰ سندھ بننے کا اعزاز حاصل ہے ۔