ایک اور بھارتی کھلاڑی کا ڈوپ ٹیسٹ مثبت، اولمپکس سے باہر

ڈوپ ٹیسٹ مثبت آنے پر بھارت کا ایک اور کھلاڑی ریو اولمپکس سے باہر ہوگیا۔

بھارت کے شارٹ پٹ کھلاڑی اندرجیت سنگھ ڈوپ ٹیسٹ میں فیل ہوگئے، جس کے بعد انہیں ریو اولمپکس سے باہر کردیا گیا ہے۔

واضح رہے کہ اس سے قبل بھارتی ریسلر نارسنگھ یادیو پہلےہی ڈوپ ٹیسٹ مثبت آنے پرریو اولمپکس سےباہرہو چکےہیں۔

بھارتی میڈیا نے ذرائع کے حوالے سے بتایا کہ نیشنل اینٹی ڈوپنگ ایجنسی نے ایتھلیکٹس فیڈریشن کو خط کے ذریعے آگاہ کیا ہے کہ اندرجیت ڈوپ ٹیسٹ میں فیل ہوگئے ہیں۔

واضح رہے کہ بھارت اولمپکس میں اب تک کا اپنا سب سے بڑا ایتھلیکٹس دستہ بھیج رہا ہے لیکن ایک اور کھلاڑی کا ڈوپ ٹیسٹ مثبت آنے کے بعد شکوک و شبہات پیدا ہوگئے ہیں۔