انگلینڈ میں موجود پاکستان کرکٹ ٹیم کے کھلاڑیوں نے مانچسٹر یونائٹیڈ فٹبال کلب کے ہوم گرائونڈ اولڈ ٹریفورڈ کا دورہ کیا اس موقع پر چند کھلاڑیوں کی فیملیزبھی ہمراہ تھیں ۔
پاکستان کرکٹ ٹیم کے کپتان مصباح الحق، نائب کپتان اظہر علی، وہاب ریاض اور محمد حفیظ نے فیملی کے ساتھ اولڈ ٹریفورڈ فٹبال اسٹیڈیم کا دورہ کیا ۔کھلاڑیوں نے مانچسٹر یونائٹیڈ کے میوزیم میں خاص دلچسپی ظاہر کی۔
اس موقع پر پاکستان کرکٹ ٹیم کے کوچ مکی آرتھر، مینجر انتخاب عالم ، بیٹنگ کوچ گرانٹ فلاور، ٹرینر گرانٹ لوڈن اور فزیو شاون ہیز بھی تھے۔
پاکستان کرکٹ ٹیم انگلینڈ کیخلاف تیسرے ٹیسٹ کی تیاری آج سے شروع کرے گی جبکہ قومی ٹیم وورسٹرشائر کیخلاف دو روزہ پریکٹس میچ جمعہ سے کھیلے گی ۔