سامیہ کے سابق شوہر کی ضمانت قبل از گرفتاری

سامیہ شاہد کیس میں اہم پیش رفت ہوئی ہے کہ مرکزی ملزم اور پہلے شوہر چوہدری شکیل نے ضمانت قبل از گرفتاری کروالی، تاہم وہ شامل تفتیش ہوگیا ہے۔

جیو نیوز کی حاصل کردہ پوسٹ مارٹم رپورٹ کے مطابق سامیہ کےدائیں کان سے نیچے گردن تک زخم کا واضح نشان تھا، اس کے منہ سے جھاگ نکلنے کی علامت بھی ہے۔

ادھر وزیر اعلیٰ پنجاب شہباز شریف نے سامیہ شاہد قتل کیس کی تحقیقات کے لیے اعلیٰ سطح کی کمیٹی تشکیل دے دی۔انکوائری کمیٹی کے سربراہ ڈی آئی جی ابو بکر خدا بخش ہوں گے،کمیٹی 72 گھنٹے میں واقعہ کی تحقیقا ت کرکے رپورٹ پیش کرے گی ۔