انسانی ناک میں پائے جانے والے جرثوموں کے تجزیے سے اینٹی بائیوٹک دوا کی نئی قسم دریافت کرلی گئی۔
سائنسی جریدے ’نیچر‘ میں شائع ہونے والی رپورٹ کے مطابق سائنس دانوں کا کہنا ہے کہ انسانی ناک میں پائے جانے والے جرثومے آپس میں برسر پیکار رہتے ہیں۔
ان کے تجزیے کے نتیجے میں ’لگڈن‘ نامی دوا تیار کی جائے گی جس سے ’سپر بگ‘ انفکیشنز کا علاج ممکن ہو سکے گا،اس سے پہلے تقریباً تمام طرح کی اینٹی بایوٹک دواؤں کی دریافت مٹی میں پائے جانے والے بیکٹیریا سے ہوئی تھی،اس دوا کا چوہوں پر کامیاب تجربہ کیا گیا ہے۔