مراد علی شاہ کو مبارک باد پیش کرتا ہوں،خرم شیرزمان

وزارت اعلیٰ کیلئے مراد علی شاہ کے مدمقابل پی ٹی آئی کے رکن خرم شیر زمان کا سندھ اسمبلی میں خطاب کرتے ہوئے کہنا ہے کہ مراد علی شاہ کو وزیر اعلیٰ منتخب ہونے پر تحریک انصاف کی طرف سے مبارک باد پیش کرتا ہوں۔

پی ٹی آئی رہنما خرم شیر زمان کا مزید کہنا تھا کہ نئے وزیراعلیٰ سے تعلیم اور صحت کی بہتری کے لیے کام کرنے کی امیدہے۔

ایم کیوایم کے رہنما سید سرداراحمد کاسندھ اسمبلی میں خطاب کرتے ہوئے کہنا تھا کہ مرادعلی شاہ کووزیراعلیٰ منتخب ہونے پرمبارک باد دیتے ہیں،ان سے کئی توقعات ہیں،نئے وزیراعلیٰ کو کئی چیلنجز کا سامنا کرنا پڑے گا۔

ذوالفقار مرزا کے صاحبزادے اور رکن سندھ اسمبلی حسنین مرزا نے اسمبلی کے باہر میڈیا سے بات چیت کرتے ہوئے کہا ہے کہ وزیر اعلیٰ سندھ کی تبدیلی خوش آئند ہے، رینجرزبھی سندھ میں امن و امان کے لیےکام کررہی ہے۔

انہوں نے یہ بھی کہا کہ اس وقت حکومت اور قانون نافذ کرنے والےاداروں میں تصادم کی صورتحال ہے، سندھ کی نئی کابینہ کو یہ مسائل درپیش ہوں گے۔