روس میں غربت کا یہ حال ہے کہ چالیس فی صد سے زائدخاندانوں کے پاس غذائی اشیا اور کپڑوں کے اخراجات پورے کرنے کے لئے بھی کوئی مالی وسائل موجود نہیں۔
’ماسکو ٹائمز ‘ کے مطابق روس کے اسکو ل آف اکنامکس کی طرف سے کی گئی تحقیق کے مطابق روسی خاندان اپنی بنیادی ضروریات زندگی کےلئے پیسے کی تلاش میں رہتے ہیں۔
اکتالیس فیصد روسی شہریوں نے کہا کہ ان کے پاس کھانے اور پہننے کے لئے کچھ نہیں اور ان کے پاس ضروریات کو پورا کرنے کے لئے کوئی پیسہ نہیں جبکہ 23فی صد نے اپنے مالی حالات کو ناقابل برداشت بیان کرتے ہوئے کہا کہ وہ بہت غریب ہیں۔
سروے کے مطابق شہریوں کے پاس غذا،جوتے اور فرنیچر جیسی ضروریات کےلئے وسائل میسر نہیں ۔ رپورٹ کے مطابق روس میں غربت دن بدن بڑھتی جا رہی ہے۔19فی صدروسی خط غربت سے نیچے زندگی گزارتے ہیں۔