بھارتی پنجاب کی حکومت نے بالی ووڈ کے کامیڈی ہیرو ارشد وارثی کی نئی آنے والی فلم لیجنڈ آف مائیکل مشراپر پابندی عائد کردی ہے۔
گزشتہ دنوں بالی ووڈ اسٹار ارشد وارثی کی نئی آنے والی فلم لیجنڈ آف مائیکل مشرا میں متنازع ڈائیلاگ کے باعث انتہا پسند ہندئوئوں نے اداکار کو زندہ جلانے کی دھمکیاں دی تھیں تاہم اب فلم اپنی ریلیز سے قبل ہی کئی تنازعات کا شکار ہوگئی ہے۔
میڈیا رپورٹس کے مطابق بھارتی پنجاب کی حکومت نے ریاست بھر کے سنیما گھروں کو حکم دیا ہے کہ اس فلم کو نمائش کے لیے پیش نہ کیا جائے ۔
رپورٹس کے مطابق ریاستی حکومت کا کہنا ہے کہ فلم لیجنڈ آف مائیکل مشراکے کچھ مناظر متنازع ہیں، جس پر سوسائٹی نے ناپسندیدگی کا اظہار کیا لہذا فلم پر 2 ماہ کے لیے پابندی کا فیصلہ کیا گیا ہے۔
واضح رہے کہ فلم لیجنڈ آف مائیکل مشرامیں ارشد وارثی اور بھومن ایرانی نے مرکزی کردار ادا کیا ہے اور فلم کو 5 اگست کو نمائش کے لیے پیش کیا جانا تھا۔