پاکستان ٹیسٹ رینکنگ میں پہلے نمبر پر آگیا

پاکستان ٹیسٹ رینکنگ میں پہلے نمبر پر آگیا،2003ءمیں آئی سی سی کا رینکنگ سسٹم بننے کے بعد پاکستان پہلی بار ٹیسٹ کرکٹ کا سلطان بنا ہے۔

ٹیسٹ رینکنگ میں پاکستان کی بادشاہت کا سورج طلوع ہوگیا،پورٹ آف اسپین میں ہونے والی بارش بھارت کی عالمی رینکنگ میں نمبر ون پوزیشن کو بھی بہا لے گئی،آئی سی سی کی جانب سے اس کا اعلان بھی ہوگیا ہے۔

پاکستان ٹیم 22 ماہ سے کوئی ٹیسٹ سیریز نہیں ہاری، جس کا ثمر آج گرین کیپس کو ملا ہے، پاکستان کی ورلڈ رینکنگ میں بادشاہت قائم ہو گئی۔

صرف پانچ روز پہلے بھارت کو نمبر ون پوزیشن ملیجو پورٹ آف اسپین میں ہونے والی بارش میں بہہ گئی، جہاں ویسٹ انڈیز کے خلاف آخری ٹیسٹ کا آج آخری دن تھا، لیکن چار دن میں صرف 22 اوورز کا ہی کھیل ہو سکا ہے،یعنی ٹیسٹ کا ڈرا ہونا یقینی تھا، جسسے بھارت سے ٹیسٹ رینکنگ میں پہلی پوزیشن بھی چھن گئی اور نمبر ون پوزیشن پاکستان کے نام ہوگئی۔