ایران کو اس کی رقم سود سمیت واپس کی ، وائٹ ہائوس

وائٹ ہاوس کے ترجمان کا کہنا ہے کہ ایران کو دی جانے والی رقم ایران ہی کی ملکیت تھی جو اسلامی انقلاب سے قبل امریکا کو فوجی سامان خریدنے کے لئے دی گئی تھی۔

جوش ارنسٹ کا میڈیا سے گفتگو میں کہناتھاکہ 1981ء میں ایران کی جانب سے امریکی فوجی سامان خریدنے کے لیے 40 کروڑ ڈالر کی رقم دی گئی جو ایران میں اسلامی انقلاب کے ایرانی اکاونٹس کے منجمد ہونے کے باعث واپس نہیں کی جاسکی تھی جسے امریکا نے سود سمیت واپس کیا ہے۔

گزشتہ ہفتے امریکی محکمہ خارجہ نے ایک بیان میں کہا تھا کہ 40 کروڑ ڈالر کی رقم کے عوض ایران کی جانب 4 امریکی قیدیوں کو آزاد کرنے کی یقین دہانی کرائی گئی تھی جن کو جہاز کے ذریعے امریکا لایا گیا۔

پہلی بار انتظامیہ کی جانب سے اس بات کی تصدیق کی گئی کہ امریکی قیدیوں کی رہائی کے لیے ایران کو تعاون کے طور پر رقم دی گئی۔

دوسری جانب امریکی صدر اور ریاست کے سیکرٹری جان کیری نے ان تمام الزامات کو مسترد کردیا ہے۔ وائٹ ہاوس کے ترجمان کا کہنا تھا کہ یہ مرکزی بینک سے لین دین کی قسم ہے۔