سعودی وزارت حج وعمرہ نے حج کے رکن رمی جمرات کے مجموعی اوقات میں بارہ گھنٹے کی پابندی عائد کردی ہے۔
سعودی وزارت حج وعمرہ کے مطابق پابندی بھگدڑ جیسے واقعات سےبچنے اور حجاج کرام کی سلامتی اور حفاظت کی خاطر عائد کی گئی ۔
سعودی وزارت حج وعمرہ کے مطابق 10ذی الحج کے دن رمی کے اوقات میں چار گھنٹے کی پابندی ہوگی۔حجاج کرام صبح 6 سے 10:30بجے تک رمی کا فریضہ انجام نہیں دے سکیں گے۔
11ذی الحج کے دن دوپہر 2 بجے سے شام 6 بجے تک حجاج اکرام رمی کا فریضہ انجام نہیں دے سکتے ۔
12 ذی الحج کو حجاج کرام پر رمی کا فریضہ ادا کرنےکے لیے صبح 10:30 سے دوپہر 2 بجے تک پابندی ہوگی ۔
رمی کے اوقات کی پابندی اژدہام سے بچنے اور حجاج کرام کی سلامتی اور حفاظت کے خاطر عائد کی گئی ہے۔