وزیر داخلہ چوہدری نثار کی زیر صدارت اسلام آباد میں اعلیٰ سطح کا اجلاس ہوا جس میں وزیر داخلہ نے نیکٹا کو کراچی اور کوئٹہ کی جیو میپنگ کی ذمے داری سونپ دی۔
وزیرداخلہ نے جیو میپنگ کے متعلق نیکٹا کے سربراہ احسان غنی کو ہدایات دے دیں، فہد ملک قتل کیس کے بارے میں وزیر داخلہ نے پولیس کو ہدایات جاری کردیں۔
وفاقی وزیرداخلہ کا کہنا تھا کہ اسلام آباد میں قتل کے ایک واقعے پر پولیس ہرممکن کام کر رہی ہے، بعض لوگ اس کیس کو سیاسی رنگ دے رہے ہیں ۔
چوہدری نثار نے کہا کہ قتل کے ملزمان کے پاسپورٹ منسوخ اور نام ای سی ایل پر ڈال دیے ہیں، کیس کو سیاسی رنگ دینا مناسب نہیں ۔
ان کا مزید کہنا تھا کہ برطانوی ہائی کمیشن نے اسلام آباد پولیس کو خط لکھا ہے، کسی کو پولیس کو براہ راست خط لکھنے کا حق نہیں ۔
فرمان الہی
نماز کے اوقات
