کراچی: بارش و آندھی سے مویشی منڈی کا حال بُرا، بیوپاری پریشان

کراچی میں موسم کے بدلنے پر شہری تو خوش ہوگئے۔ لیکن اس تبدیلی نے سپرہائے وے مویشی منڈی کے بیوپاریوں کو پریشان کردیا ہے، جس سے منڈی میں لگے کئی ٹینٹ اکھڑ گئے۔

ذرا سی دیر کی آندھی نے مویشی منڈی کا حال برا کردیا، تیز ہوا اور بارش کے باعث کئی ٹینٹ اکھڑ گئے۔ جنہوں نے ٹینٹ سجائے تھے، وہ اب اجڑے چمن کو سمیٹ رہے ہیں۔

آندھی وی آئی پی بلاک کو اجاڑ گئی اور بارش کے پانی نے بھالو مٹی کو دلدلی کردیا ہے۔ کیچڑ میں جانور بیمار ہوسکتے ہیں۔ اس لئے جانوروں کو خشک جگہ مہیا کرنے کی کوشش کی جارہی ہے۔