لاہور میں کاؤنٹر ٹیررازم کی کارروائی کے دوران فرار ہونے والے تین دہشت گردوں کا تاحال سراغ نہ مل سکا۔ ہفتہ اور اتوار کی درمیانی شب سی ٹی ڈی 4 گرفتار دہشت گردوں کو نشاندہی کے لیے لے جا رہی تھی کہ مناواں میں ان کے ساتھیوں نے حملہ کر کے چاروں کو مار ڈالا۔ جوابی کارروائی میں تینوں دہشت گرد فرار ہو گئے۔
ترجمان سی ٹی ڈی کے مطابق چار دہشت گردوں زبیرعرف نیک محمد، عبدالوہاب، عدنان ارشد اور عتیق الرحمان کو ان کے ساتھیوں کی نشاندہی کے لیے مناواں کے علاقے لکھو ڈہرلےجایا گیا جہاں ایک مکان میں چھپے ان کے ساتھیوں نے فائرنگ کر دی۔
ایک گھنٹہ فائرنگ کے تبادلے کے بعد حملہ آور تینوں دہشت گرد فرار ہو گئے، تاہم ان کی فائرنگ سے گرفتار چاروں دہشت گردمارے گئے۔ فرار ہونےوالوں کی گرفتاری کے لئے رات بھر سرچ آپریشن جار ی رہا لیکن ان کا کوئی سراغ نہ مل سکا۔
ترجمان سی ٹی ڈی کے مطابق مارے گئے دہشت گرد زبیر عرف نیک محمد، عبدالوہاب، عتیق الرحمن اور عدنان 4مارچ 2009 کولبرٹی چوک میں سری لنکن کرکٹ ٹیم پر حملے اور 7 دسمبر 2008میں مون مارکیٹ اقبال ٹاؤن بم دھماکوں میں بھی ملوث تھے۔جس میں 60 افراد شہید اور ڈیڑھ سو سے زائد زخمی ہوئے تھے۔
سی ٹی ڈی حکام کے مطابق مارے گئے دہشت گردوں کو 7 سال پہلے گرفتار کیا گیا تھا۔
فرمان الہی
نماز کے اوقات
