سعودی وزیر دفاع شہزادہ محمد بن سلمان مختصر دورے کے بعد واپس سعودی عرب روانہ ہو گئے ۔آرمی چیف جنرل راحیل شریف اوروزیردفاع خواجہ آصف نےسعودی وزیر کو رخصت کیا۔
اپنے اس دورے میں سعودی نائب ولی عہدمحمد بن سلمان اوروزیراعظم نواز شریف کے درمیان ملاقات وزیراعظم ہاؤس میں ہوئی، جس میں دوطرفہ تعلقات اور باہمی دلچسپی کے امور سمیت عالمی اور علاقائی امور پر بات چیت کی گئی۔
دونوں رہنماؤں نےدوطرفہ تعلقات اورمختلف شعبوں میں تعاون مزید مستحکم بنانےکاعزم ظاہرکیا۔
ا س سے قبل سعودی عرب کے وزیر دفاع اور نائب ولی عہد شہزادہ محمد بن سلطان کا اسلام آباد پہنچنے پر وفاقی وزیر دفاع خواجہ آصف اور اعلیٰ حکام نے استقبال کیا۔ سعودی نائب ولی عہد کے وزیر اعظم ہاؤس پہنچنے پر وزیر اعظم نواز شریف نے ان کا استقبال کیا۔
وفاقی وزرا، ارکان پارلیمنٹ اورمسلح افواج کے سربراہان بھی اس موقع پر موجود تھے۔