آج کے جدید دور میں ماہرین انسانی زندگی کی آسانی کے لئے کئی نت نئی اور انوکھی ایجادات متعارف کرواتے رہتے ہیں تاہم اب ماہرین نے کھیتوں کی حفاظت اور اسپرے کے لئے بھی جدید ڈرون متعارف کروادیا ہے۔
سوئٹزر لینڈکی ایک معروف کمپنی نے کھیتوں کی حفاظت کرنے والا ایسا ڈرون تیار کیا ہے جو عین اسی مقام پر کیڑے مار دوا چھڑکتا ہے جہاں اس کی ضرورت ہوتی ہے۔
سوئس فرم کا تیارکردہ یہ جدید ڈرون وہ جگہیں بھی ڈھونڈ نکالتا ہے جہاں انسان کی نظرنہیں پہنچ پاتی۔ ڈروان کو تجرباتی طورپر کئی فصلوں پرآزمایا گیا جس کے اچھے نتائج برآمد ہوئے ہیں اور انسانی مداخلت کے بغیر فصل دشمن کیڑوں کا صفایا کیا گیا ہے۔