پاکستان میں اقوام متحدہ کے ترقیاتی فنڈ یو این ڈی پی کے سابق سربراہ مارک آندرے فرانچ کا کہنا ہے کہ جب پیسا کمانا ہو تو ان پڑھ اور سستے ترین مزدور کا استعمال اور گھومنا پھرنا ہو تو لندن دبئی اور نیویارک جیسی مہنگی جگہوں کا انتخاب کیا جائے، پاکستان کے اشرافیہ کو یہ فیصلہ کرنا ہوگا کہ انہیں پاکستان چاہیے یا نہیں ۔
پاکستان میں اقوام متحدہ کے ترقیاتی فنڈ یو این ڈی پی کے سابق سربراہ مارک آندرے فرانچ کا کہنا ہے کہ پاکستان میں تبدیلی اسی صورت ممکن ہے کہ بااثر افراد سیاست دان دولت مند جاگیرداراور اشرافیہ اپنے انفرادی اور اہل خانہ کے چھوٹے چھوٹے مفادات کو قوم کے وسیع تر فائدے کے لیے قربان کریں۔
ان کا کہنا تھا کہ یہ نہیں ہوسکتا کہ جب پیسا کمانا ہو تو غریب مزدور کا فائدہ اٹھایا جائے اور جب عیش کرنا ہوں تو لندن دبئی اور نیویارک کی مہنگی جگہوں کا انتخاب کیا جائے۔
جائیداد خریدنی ہو تو یورپ اور امریکا میں دیکھا جائے، پاکستان کی اشرافیہ کو فیصلہ کرنا ہوگا کہ انہیں یہ ملک چاہیے یا نہیں۔