پنجاب کے وزیرقانون رانا ثناء اللہ نے کہا ہے کہ الطاف حسین کا سب مل کر کچھ نہ بگاڑ سکے، انہوں نےخود3منٹ میں اپنا بیڑہ غرق کر لیا۔
پنجاب اسمبلی کے باہر میڈیا سے گفتگو کرتے ہوئے انہوں نے مزید کہا کہ اتنا نقصان تو سب مل کر بھی نہیں پہنچا سکے تھے۔
رانا ثناءاللہ کا یہ بھی کہنا تھا کہ ایک نیم پاگل سیاست دان اور مولوی کا انجام بھی کچھ زیادہ اچھا نہیں،عمران خان کا سسرالی ایجنڈا ناکام ہوگا، مولوی صاحب بھی ناکام ہوں گے۔
وزیر قانون کا کہنا تھا کہ عمران خان اور طاہر القادری کو ان کے حال پر چھوڑ دیا ہے، جتنی بھی گھٹیا گفتگو ہو حکومت کی سطح پر جواب نہیں دیں گے۔