قوم کو پاک فوج کی بےمثال قربانیوں پر فخر ہے، شہباز شریف

پنجاب کے وزیر اعلیٰ شہباز شریف نے کہا ہے کہ پاک فوج نے آپریشن ضرب عضب سے دہشت گردوں کی کمر توڑ دی ہے، قوم کو پاک فوج کی بےمثال قربانیوں پر فخر ہے۔

کورکمانڈر منگلا لیفٹینٹ جنرل عمر فاروق درانی نے لاہورمیں میں وزیراعلیٰ شہباز شریف سے ملاقات کی، وزیر اعلی ٰ نے پولیس اور سول اداروں کی تربیت اور انسداد دہشت گردی کی روک تھام کے لیے پاک فوج کے تعاون کو سراہا۔

شہباز شریف کا کہناتھاکہ پاک فوج کے افسران اور جوانوں نے جرات اور بہادری کی عظیم داستانیں رقم کی ہیں،قوم کو شہدا کی بے مثال قربانیوں پر فخر ہے، وزیراعلیٰ نے کور کمانڈر منگلا کو عسکری و سول اداروں کی مربوط تربیت کی ضرویات کے لیے ہر ممکن تعاون کا یقین دلایا۔