کیبل آپریٹرز ایسوسی ایشن پاکستان کے چیئرمین خالد آرائیں نے پیمرا سے مطالبہ کیا ہے کہ ڈی ٹی ایچ کی پالیسی دو سال کے لیے مؤخر کی جائے، کیبل آپریٹر پر کوئی ٹیکس نہیں لگایا جائے، ورنہ صارفین پر منتقل ہوگا۔
کیبل آپریٹرز ایسوسی ایشن پاکستان کے چیئرمین خالد آرائیں نے چنیوٹ میں نو منتخب عہدیداروں سے حلف لیا، اس موقع پر خطاب میں خالد آرائیں نے کہا کہ ملک بھر سے تمام کیبل آپریٹر محبت سے کیپ میں آئے ہیں،کیبل آپریٹر ایسوسی ایشن نے آپریٹرز کے مسائل حل کیے ہیں۔
انہوں نے وزیراعلیٰ پنجاب سے کیبل آپریٹرز پر لگائے جانے والے ٹیکس کی واپسی کا مطالبہ کیا اور پیمرا سے گزارش کی ہے کہ اگلے چند سال تک کیبل کو ٹیکس فری قرار دیا جائے۔
خالد آرائیں کا کہنا تھا کہ اگر کیبل آپریٹرز میں اتحاد رہا تو تمام ٹیکس ختم ہوجائیں گے۔